Бир гектар суғориладиган ер майдонидан 75 центнер дон, 45 центнер пахта, 300-400 центнер полиз, 250-300 центнер сабзавотлар, 40-45 центнер шоли ҳосилини олиш мумкин.
Барчамизга маьлумки, оммавий ахборот воситалари, турли газета ва журналларда иқлим ўзгариши, экологик мувозанатнинг бузилиши, мунтазам табиий офатлар ортиб бормоқда. Бунинг натижасида эса жонли табиат ва инсоният учун ўта оғир ҳолатлар юзага келиши мумкинлиги тўғрисида кўрсатувлар ва мақолалар чоп этилмоқда. Баъзан бу мақолаларни ўқиб қўрқасан киши, нега ҳаво иқлими кўтарилиб озон қатлами емирилиши, табиий офатларнинг ортиши кузатилмоқда?

Мамлакатимизнинг халқ хўжалиги тезкор ривожланиши натижасида турмуш фаровонлиги яхшиланиб, атроф-муҳитга бўлган эътибор янада ортиб бормоқда.
Таҳлиллар шуни кўрсатмоқдаки, сўнгги вақтларда маиший ва саноат чиқиндилари-нинг ҳосил бўлиши йилдан-йилга кўпайиб бормоқда. Ҳозирги кунда чиқиндиларнинг 800 дан ортиқ тури қайд этилган бўлиб, улар сонининг келгусида янада ортиши башорат қилинмоқда.

Гўнг сут фермасида сут ишлаб чиқариш жараёнининг чиқиндисидир. Афсуски гўнгдан бадбуй ҳид тарқалади, атрофни ифлослантиради ва чивин, пашша ва бошқа тур зарарли хашоротлар кўпайиши учун қулай шароит яратади.
Лекин гўнгга тўғри ва оқилона ишлов бериш ва ундан фойдаланиш “касофат”ни “марҳамат”га ва аҳлатни олтинга айлантириш мумкин.
Чорва гўнгги жуда яхши ва сифатли органик ўғит сифатида ишлатилиши мумкин.

Гўнг ишлаб чиқариш ҳажми ва ўғит
моддалари қиймати бўйича
муҳим маълумотлар
Қорамолнинг янги гўнгги таркиби:
Сув 87%
Қуруқ модда 13%.
Гўнгни ўғит сифатида далага сочиш:
Ўзбекистон шароити учун тавсиялар:
15 тонна гўнг / га / йил
Юқорида мисол келтирилган ферма бош сони 136 га ерни ҳар йили ўғит билан таъминлаши мумкин.

Тошкент шаҳар ҳокимлигининг ҳудудий коммунал фойдаланиш бирлашмаси таркибидаги коммунал хизмат кўрсатиш корхоналари билан биргаликда атроф муҳитни муҳофаза қилиш борасида бир қанча ишларни амалга ошириб келмоқда. “Махсустранс” ишлаб чиқариш бошқармаси Япониянинг “Шимидзу” корпорацияси билан биргаликда Мусаффо ривожланиш механизми доирасида амлага оширишни бошлаган шаҳар чиқиндихонасидаги ҳосил бўлаётган зарарли газларни тўплаб ёндириш усули билан зарарсизлантириш лойиҳасининг биринчи босқичи бўйича ишлар якунланган. Чиқиндихонада ишлар Япониянинг “MESCO” компаниясининг раҳбарлигида маҳаллий «Стемқурилиш» хусусий корхонаси томонидан амалга оширилган.

Қачонки биз чиқиндилардан озод бўлсак, уларнинг қаерга олиб борилиши ва оқибатда мазкур чиқиндилар нима қилинишини ўйлаб ҳам кўрмаймиз. Фақатгина шаҳардаги мавжуд чиқиндихоналар ёнидан ўтарканмиз, улар ўзларининг ёқимсиз ҳидлари билан бизларга ўзини эслатиб туради, холос. Бундан ташқари, полигонлар атроф-муҳитга қатор таҳдидлар хавф солиб турибди.
Мазкур қаттиқ маиший чиқиндилар (ҚМЧ) полигони таъсир этиш характерига кўра, атроф-муҳитга асосан полигоннинг ўзида ҳосил бўладиган чиқиндилари билан ифодаланади. Бунда атмосферага турли зарарли моддалар келиб тушади: токсик (фенол, водород сульфид) ва иқлим ўзгаришига олиб келадиган иссиқхона газлари (метан, диоксид углерод). 

Пластмассали идишлар бу ҳақиқий фожеа бўлиб, ҳар куни атроф-муҳитга 2.4 млн. тонна  пластик бутилкалар ташланади — бу билан биз Ер юзида жуда катта офатга йўл очаётганимизни биламизми? Эҳтимол хонадонимиздаги пластик бутилкалардан воз кечсак, уларнинг ишлатилганларидан ҳайратомуз нарсалар қурсак ёки қайта ишласак қурилиш анжомларимиз нисбатан арзонга тушармиди? Ҳозирда биз ўз олдига ана шуларни мақсад қилиб қўйган қурилиш лойиҳаларидан фойдаланиб, пластик бутилкалардан конструкцияланган уйлар, мактаблар, иссиқхоналар, театр ва турли деворлар қурган бўлардик.

Инсоният яшаб ривожланмоқда, бизнинг технологик хаётимиз натижасида катта миқдорда хилма-хил чиқиндилар пайдо бўлмоқда. Чиқинди атроф-муҳитни интенсив равишда ифлослантириб, ўз ўрнини бўшатмоқчи эмас. Қатъий айтиш мумкинки, келажак авлодларга таҳдид бўлмоқда. Шу билан биргаликда қаттиқ маиший чиқиндилар муаммоси ҳал қилинмаяпти, деб хулоса чиқариб бўлмайди. Чиқиндилар шаҳарлар чеккасига, махсус ажратилган жойларга олиб чиқилиши билан, чиқиндилар муаммосини ҳал қилмайди, улар миқдори йилдан йилга кўпайиб  келмоқда.  Балки шу сабабдан ушбу муаммо нафақат экологлар, балки жамоатчиликни ранжитмоқда ва қарорларни қабул қиладиган раҳбарлар томонидан эътиборни талаб қилади. 

АМК Znamenka томонидан "Ахлатнинг ўз макони бор" шиори билан атроф-муҳитни ҳимоя қилиш ижодий мақсади бўлган ижтимоий кампания ишлаб чиқилди ва ташкил этилди. Компаниянинг мақсади атроф-муҳит ва яшаш жойига меҳр ва эҳтиёткорлик билан муносабатда бўлиш, экологик дунёқараш, жавобгарлик, ижтимоий фаолликни тарбиялаш ва қўллаб-қувватлашдир.

Нефть маҳсулотлари асосида бизга маълум пластик яратилган. best-stroitelstvoнинг ёзишича Лондон Империя коллежи олимлари тез ўсадиган ўт ва дарахтлар таркибидан олинадиган шакардан замонавий полимер ишлаб чиқдилар. Бу йўналиш бўйича иш олиб боришнинг келажаги порлоқ. Изланаётган гуруҳ олимларининг фикрига кўра бу технологияни ишлаб чиқаришга жорий қилиш икки йилдан беш йилгача бўлган вақтни олиши мумкин. Бундай пластиклардан ясалган идишлар ахлатхоналарда атроф-муҳитга зарар келтирмай туриб тезда эриб оддий шакарга айланади.