Дунёда кўп халқлар инсонга энг яқин бўлган жониворлардан бири - мушуклар кунини миллий байрамлардан бири сифатида нишонлар эканлар. Мисол учун, АҚШда бу байрам 29 октябрь, Польшада 17 февраль, Японияда 22 февралда мушуклар байрами куни  сифатида ўтказилади, Россияда эса бу тадбир баҳорнинг биринчи кунига тўғри келаркан. Бутун дунёга бу байрамни нишонлашга  асос бўлган Бутунжаҳон мушуклар куни 8 августдир.  Эҳтимол, бир кун келиб юртимизда ҳам бу кунни нишонлаш кенг ёйилар. Ахир ҳамманинг каламуш ва сичқинларни кўрарга кўзи йўқ, уларни эса фақат мушуклар ҳаммадан кўп қийратади.

Тўрт йиллар муқаддам ўзбек доменида қатор ит боқувчилар ва тоза зотли уй ҳайвонларини кўпайтириш ишқибозлари, кинологлар ўртасида “Будка.уз” (http://budka.uz) сайти пайдо бўлди. Ушбу сайтга кирувчиларнинг диққатини аввало, Ўзбекистон кинологлари ҳамжамияти томонидан тарқатилган “нодир” маълумотлар тушунарли тилда барча ишқибозлар ва профессионалларни жалб этди.