Инсоннинг оқилона хўжалик юритмаганлиги оқибатида табиий мувозанатнинг бузилиши табиатдан фойдаланишнинг замонавий доктрина ва услубларини қайта кўриб чиқишни тақозо этади. Ҳозирги вақтда ишлаб чиқариш соҳасида бўлганидек, аграр соҳада ҳам  экология ҳақида қайғуриш кераклиги масаласи долзарб бўлиб турибди.

Ўзбекистон Республикаси ўз мустақиллигига эришгандан сўнг атроф-муҳитни муҳофаза қилишга, табиий ресурслардан оқилона фойдаланишга катта эътибор қаратилмоқда. Бугунги кунда Ўзбекистонда атроф-муҳитни муҳофаза қилишга ва табиий ресурслардан оқилона фойдаланишга қаратилган йигирмадан ортиқ Қонун, 350дан ортиқ ҳукумат қарорлари қабул қилинди.
Қорақалпоғистонда Халқаро ташкилотлар билан ҳамкорликда қуёш энергиясидан фойдаланиш бўйича 2003-2004 йилларда Ўзбекистон Республикаси Табиатни муҳофаза қилиш давлат қўмитаси ва Бирлашган Миллатлар Ташкилотининг Тараққиёт Дастури кўмагида:

Маълумки, Ер юзида экологик танг вазият юзага келишининг олдини олиш, авлодларга бугунги бой табиатни безавол мерос қолдириш борасида жаҳон ҳамжамияти билан ҳамоҳанг равишда рес-публикамизда кенг қамровли чора-тадбирлар амалга оширилмоқда. Табиатни муҳофаза қилишнинг ташкилий ва ҳуқуқий асослари энг аввало, Ўзбекистон Республикасининг Конституциясида ўз аксини топган. Асосий қонунимизда фуқароларнинг бу соҳадаги ҳуқуқ ва мажбуриятлари, атроф-муҳитга муносабати ва соҳага оид тизимлар фаолияти белгилаб қўйилган. Мустақилликнинг илк йилларида қабул қилинган «Табиатни муҳофаза қилиш тўғрисида»ги Қонун Ўзбекистонда табиатни муҳофаза қилиш, табиий муҳитни сақлаш, табиий ресурслардан оқилона фойдаланишнинг ҳуқуқий, иқтисодий ва ташкилий асосларини белгилаб берди. Мазкур қонунга асосан соҳадаги давлат назоратини Табиатни муҳофаза қилиш давлат қўмитаси амалга оширади.

Ўзбекистон сейсмик ҳудудда жойлашган мамлакат. Мамлакат аҳолиси гоҳида ер ости силкинишларини сезадилар. Пойтахтда "Тошкент" сейсмик станцияси мавжуд бўлиб, у дунёдаги энг қадимий станциялардан бири ҳисобланади. У ўтган юз йилликнинг 1901 йилида очилган. Ернинг сейсмик фаоллиги ҳақидаги маълумот хавфсизликни таъминлашда жуда муҳимдир, шунинг учун техник таъминот ҳаётий муҳим ҳисобланади. Шундай қилиб, миллий сейсмостанция замонавий қурилмалар билан таъминланган ва ходимлар техник янгиликларни ўрганяптилар.

Мамлакатимизда ўрмон хўжалигини жадаллаштиришнинг самарали усулларидан бири, бу тупроққа ўғитларни ҳар хил турларидан фойдаланишдан иборатдир. Сўнги йилларда ўрмон хўжалигида ўғитларни қўллаш асосан, япроқ баргли кўчатларини етиштиришда, ихота ўрмонларини барпо этишда қўлланилган (Т.А. Желтикова, 1965, С.К.Кожахметов, 1995), шу билан бир қаторда ҳалқ хўжалиги талабларини қондириш, ёғочсозлик ва кўкаламзорлаштириш йиллик меъёрларини инобатга олиш керак бўлади. Бунинг учун кўп миқдорда юқори сифатли кўчатлар, нинабаргли дарахт турларидан ўстириш керак.

Ҳозирги кун фан ва техника тараққиёти, аҳоли сонининг ортиб бориши, жамиятнинг табиатга таьсирини кучайиши экологик вазиятни мураккаблаштирмоқда. Шунга кўра экологик мувазанатни барқарорлаштириш асримизнинг энг муҳим муаммоларидан бири бўлиб келмоқда. Бу эса табиатга муносабат борасидаги хатоларни атрофлича таҳлил қилиб, хулоса чиқариш, шунинг билан бирга ҳар қандай фаолиятни экологик эксперизанинг ижобий хулосасини олгандан кейингина амалга ошириш зарурлигини тақозо этади.